Prepará bo kas pa temporada di Orkan !

Mi ke Atendé Mi Debe                                                                       Lesa mas                                                                                           

Mi Debe

Nos kier duna oportunidat na tur kliente ku tin un debe atrasá pa registrá esaki awor pa huntu yega na un areglo kon pa eliminá  e debe aki.

Na e momentu aki, FKP ta konfrontando un retraso den hür di varios habitante, ku a yega un ektremo alarmante i esaki ta impedí FKP di hasi su trabounan pa habitantenan eksistente i tambe esnan ku ta wardando pa haña un kas.

Maneho di kobransa mas estrikto

Den kuadro di un maneho nobo i palabrashonnan hasí ku Gobiernu pa un maneho mas estrikto pa loke ta kobransa Fundashon Kas Popular a kuminsá un kampaña kaminda kliente ku tin debe atrasá por registrá pa yega na un areglo kon pa atendé e debe aki.

Registrá pa por atendé bo debe atrasá

Nos kier duna oportunidat na tur kliente ku tin un debe atrasá pa registrá esaki pa asina por yega na un areglo kon ta atendé ku e debe aki.

No ta importá si ta debe grandi, o debe chikí ni kuantu tempu tin e debe.
Nos kier pa abo komo klientemustra di bo boluntat ku bo kier yega na un areglo.

E regitrashon lo ta habrí entrante 1 di Ougustus i lo sera pa 1 di Òktober 2021.

Nos kier urgí bo pa registrá !

Pa motibu ku esaki por ta bo último chèns pa yega na un areglo pa e debe atrasá!

 

Registrá aki pa:

Atendé bo debe di Hür

Maneho di Hür di forma sosial

FKP semper a hiba un maneho sosial, tumando na kuenta e situashon finansiero di klientenan. Esaki ta enserá ku un kliente ta paga hür konforme su entrada.

Pa e kasnan di Gobiernu e kliente ta haña un subsidio pa kompletá e preis total. Gobiernu ta supsidiá e habitante un parti di hür a base di un kalkulashon riba su entrada.

​​​​​​FKP no por sigui karga ku e debenan atrasá

FKP na su turno semper a tene kuenta ku e situashon sosial i finansiero di nos klientenan ku a hañé ku problema. Pero awor si a yega un punto ku pa motibu di e situashon di FKP i e palabrashonnan hasí ku Gobiernu pa un maneho mas estrikto den kuadro di e “Akuerdo di Maneho” ku a firma resien, FKP ya no por sigui karga mas ku e debenan atrasá.