Importante ta ku tur hende mester paga hür promé ku dia 5 di kada luna.
Kon ta paga e hür?
Tin diferente posibilidat pa paga hür.
Esun mas fásil ta pa laga bo doño di trabou òf e instansha kaminda bo ta kobra, retené e sèn i pon’é riba kuenta di FKP i bo no tin nada di kòrda.
Nos mes ta sòru pa e poderashon yega serka bo doño di trabou òf e instansha konserní.
Bo por laga bo banko tambe retené e sèn via di un “standing order” i pone e sèn riba kuenta di FKP. Bo mester kontrolá bo statement si tur luna, pa wak si banko a kita e sèn di kas.
Nos numbernan di kuenta ta:
| Maduro & Curiel’s bank | : no. 396.805.07 |
| Banko di Caribe | : no. 0150313382801 |
| Giro Bank | : no. 328200 |
| RBTT | : no. 11.17.432 |
Hasi uso di Pagafasil
Awor ta mas fásil pa klientenan paga resibunan di Fundashon Kas Popular & Fundashon Fiansa Popular via Pagafasil.
Ya tin algun tempu kaba ku FKP i FFP a yega na un kombenio ku Pagafasil pa e klientenan por hasi uso di e fasilidat aki pa paga hür i hipotek.
A hasi e tramitenan nesesario pa hasi e transakshonnan posibel i tambe a duna tur kliente ku ta paga na kaha di FKP un karchi ku nan number di kuenta huntu ku un foyeto ku ta splika unda algun Punto di Pago ta den nan bisindario.
Kaha na FKP lo stop di funshoná.
E intenshon ta ku dentro di poko no risibí pago di hür òf hipotek mas na kaha di FKP.
Esaki primeramente pa motibunan di seguridat pero tambe pa por prosesá e pagonan di forma digital den nos sistema.
Pa e kliente e sistema tambe tin su bentahanan.
Hasiendo uso di Pagafasil e kliente :
- No tin gastu adishonal enbolbí.
- No tin nodi para den rei.
- No tin mester di bin te FKP mas.
- E tin akseso 24/7 na diferente Punto di Pago serka di su kas òf riba su ruta.
