P’esei nos mester biba bon ku bisiña. Ta importante pa nos kada unu tene kuenta ku otro. Den nos kas nos ta tene kuenta ku otro, meskos nos mester tene kuenta ku esnan den nos besindario tambe.
Tin kosnan chikitu ku por kousa molèster pa bisiña sin nodi por ehèmpel:
- kachó ku ta drenta den kurá di bisiña por kousa molèster,
- bala ku ta bai den kurá di bisiña regularmente, muzik muchu duru ta kousa molèster,
- zonido muchu duru, racementu di outo òf bròmer por kousa molèster,
- pone outo dilanti porta di hende,
- blòkiá hanchi ku hende no por pasa bai nan kas por trese molèster
- pero dise ku dasa tambe por trese masha problema.
Un bon hürdó ta tene su kas i su ambiente limpi i sano, i ta mantené su kas komo si fuera ta su propiedat.
P’esei bo ta tene bo kas i kurá limpi. Tur kas tin su kònteiner, tira bo sushi den dje i sak’é pafó riba e dia ku Selikor ta pasa. Si bo kònteiner ta yen, tene bo sushi den bo kurá, te ora tin lugá den bo kònteiner. No bai tira bo saku di sushinan niun kaminda den bario. Esei ta duna bo bario un bista mahos i no papia di e malesanan ku sushedat por kousa.
Tene bo kurá tambe limpi. Evitá di yena bo kurá yen di potoshi, kos bieu manera stof ku frishidèr bieu, outo bieu, palu bieu i otro kosnan ku bo no ta usa mas.
Selikor ta rekohé sushi gròf por nada den tur bario tur luna. Informá ki dia nan ta pasa den bo bario, pa bo saka bo sushi gròf pone pafó.
No bai pone nada na un lugá bandoná den bario. Planta algun mata pa hasi kurá bunita.
Yuda tene bo bario limpi, pa e ta agradabel pa bo i bo famia biba aden.
Tene konsiderashon ku otro.
Tin mil i un kos ku por trese diskordia. Laga nos evitá nan. Tene konsiderashon ku otro i demostrá kordialidat.
No tin nodi di bira muchu familiar ku otro.
Un bon dia, konta ku tur hende, un bonochi mes ta sufisiente. Nos ta dushi hende tòg?
