Trahado Sosial

U bent hier: Home / Servisionan / Trahado Sosial

Trahado Sosial

FKP tin diferente trahadó sosial den servisio.
 
Nos trahadónan sosial ta representá FKP den bario. Primeramente nan ke sera konosí ku nos hürdónan, trese FKP mas serka di nos hürdónan, ofresé nos servisionan na nos hürdónan.
Nan tei pa yuda, guia, konsehá den tur situashon ku bo topa bo ku n’e. Si bo tin pregunta adishonal riba e servisionan di FKP, nan por dunabo splikashon mas detayá .
 
Tur mainta di djaluna pa djaweps entre 8 or pa 11or por pasa libramente na nos ofisina na Skalo, pa papia ku un di nos trahadónan sosial.
Si bo no por alkansá parti mainta, bo por traha un sita pa riba un ora ku mas ta kumbiní abo.
 
Nos trahadónan sosial ta hasi bishita na kas tambe i nan ta kontrolá den bario. Si nan nota algu iregular, mesora nan por aserka e habitantenan enkuestion pa un kombersashon. Nan lo por pidi tambe pa nan tira un bista den bo kas komo parti di nan trabou.
 
Kada bario tin su trahadó sosial fiho, i kada trahadó sosial tin su dia fiho ku e tin konsulta.

Pa bo papia ku trahadó sosial di bo bario, por yama numbernan di telefon:   

Pa barionan di pariba : 599-9-4326257

Pa barionan di mei mei : 599-9-4326258    

Pa barionan di pabou: 599-9-4326259           

òf bo por simplemente pasa na nos ofisina i pidi pa papia ku e trahadó sosial di turno.