Djamars 16 di febrüari 2021 ta marka un dia históriko pa Gobièrnu di Kòrsou i Fundashon Kas Popular (FKP). 
espues di mas ku 40 aña tin akuerdo di Maneho entre Gobièrnu i FKP.

Den e akuero aki ta hasi palabrashon entre otro loke ta trata e montante ku FKP mester risibí pa mantenshon di e kasnan di Gobièrnu.
Tambe ta hasi palabrashon di lokual FKP mester kumpli kuné pa por risibí e montante aki.

Sr. Arthur Con, ken ta direktor di FKP, ta sumamente satisfecho ku porfin a yega na e punto ku e akuerdo aki ta firmá.
Di e forma aki FKP por brinda un mihó servisio na su klientenan, komo ku awor tin palabrashonnan fiho pa loke ta trata e sèn ku Gobièrnu mester paga pa mantenshon di e kasnan di pueblo.

Esaki ta pone tambe ku por finalisá e kuenta anualnan di FKP pa motibu ku awor tin un palabrashon fiho di e monto di sèn ku Gobièrnu ta paga anualmente.