Wij maken gebruiken van COOKIES / This website uses COOKIES / Nos ta hasi uso di COOKIES

More information?

 Sita Online         

Kobransa / Incasso

Departamento di Kobransa (Incasso) ta esnan ku ta atendé ku tur lokual tin di haber ku pago i kobramentu di sea hür, fiansa o hipotek na FKP i FFP.

Importante

Ora ta hür un kas, ta importante pa kòrda ku mester paga e doño di kas tur luna.

Tur  hende ku ta hür un kas mester paga nan debe di kas promé ku dia 5 di kada luna.

Meskos ta konta ora ta hür kas serka FKP. Asina ta evitá gastu ineserario o retraso ku pago. 

Prome ku tur kos bo kas ta e promé responsabilidat.

Kon ta paga e hür?

Tin diferente posibilidat pa paga hür.

Esun mas fásil ta pa laga bo doño di trabou òf e instansha kaminda bo ta kobra, retené e sèn i pon’é riba kuenta di FKP i bo no tin nada di kòrda.

Nos mes ta sòru pa e poderashon yega serka bo doño di trabou òf e instansha konserní.

Numbernan di Kuenta

Bo por laga bo banko tambe retené e sèn via di un “standing order” ku bo por traha "online" i pasa e sèn riba kuenta di FKP. 
Bo mester kontrolá bo statement si tur luna, pa wak si banko a kita e sèn di kas.

Nos numbernan di kuenta ta:

Maduro & Curiel’s bank :396.805.07  Swiftcode: MCBKCWCU 

Banko di Caribe : 0150 313 382 801

Giro Bank :328 200

RBTT :11.17.432

Hasi uso di Pagafasil.

Awor ta mas fásil pa klientenan ku ta paga na kaha di FKP pa paga resibunan di Fundashon  Kas Popular & Fundashon  Fiansa Popular via Pagafasil.

Ya tin algun  tempu  kaba ku FKP i FFP a yega na un kombenio ku Pagafasil pa e klientenan  por  hasi  uso di e fasilidat  aki pa paga  hür i hipotek

A hasi e trámitenan  nesesario pa hasi e transakshonnan  posibel i tambe a duna tur kliente ku ta paga na kaha di FKP un karchi ku nan number di kuenta huntu ku un foyeto ku ta splika unda algun Punto di Pago ta den nan bisindario.

E sistema tin su bentahanan pa e kliente. 

Hasiendo uso di Pagafasil e kliente :

- No tin gastu adishonal enbolbí.

- No tin nodi para den rei.

- No tin mester di bin te FKP mas.

- Akseso 24/7 na diferente Punto di Pago serka di su kas òf riba su ruta.

Evaluashon periódiko di supsidio.

Regularmente FKP mes ta aserká tur su hürdónan ku ta hasi uso di areglo di supsidio, pa evaluá e supsidio ku nan ta risibí.
Ta importante pa e hürdó reakshoná riba nos petishon i suministrá nos e dokumentunan ku nos ta pidi.
Di otro manera nos ta asumí ku e hürdó no ta interesá mas den e (supsidio) rebaho.
E ora ei nos lo kuminsá kobr’é e suma real ku e kas ta bal.

Kambio den bo entrada

Si pa kualke motibu bo entrada a baha, of esun ku ta paga huntu ku bo no tei mas; bo por aserká nos ke e petishon pa adaptá e hür ku bo tin ku paga.
Meskos ta konta tambe si bo entrada a subi of tin mas hende ku entrada den e kas. Yama nos pa hasi e adaptashon.

No warda te dia FKP yamabo of kontrolá.

No warda te dia ku FKP yamabo, pasobra lo bo por haña bo ta paga e adaptashon ku forsa retro-aktivo, esei ke men ku nos ta bai bèk ku bo tur e tempu ku nos no a adaptá bo hür.

Paga resibu

Problema ku pago ?

Tin biaha por tin sirkunstansianan ku ta hasi difísil pa paga bo debenan na tempu ( promé ku dia 5).
Den kasonan asina, tuma kontakto ku nos mesora!
Semper nos ta dispuesto pa papia ku bo riba e problema di pago, pa huntu yuda buska un solushon.

No laga yega asina leu.

Hopi bes sinembargo un hende ta kai atras den pago i nos no ta tende nada di dje.

Ni despues di diferente “aanmaning”.

Den un kaso asina nos ta haña nos obligá di pone e kaso den man di un deurwaarder.

Tur gastu relashoná ku esaki, ta kore pa kuenta di e kliente ku debe.

Si karta di deurwaarder tampoko no ta yuda, no ta keda nos nada otro di bai korte ku e kaso pa pidi wes pa saka e hendenan for di kas (“ontruiming” of "veiling").

Nos di nos banda, ta purba di tur manera pa evitá esaki, pero e kliente ku debe ta keda esun responsabel.

Areglo di pago

Nos por yega na un areglo di pago ku bo, kaminda nos ta tene kuenta  ku bo sirkunstansianan personal.

Bo por ta sigur ku nos lo trata bo problema na un manera sumamente diskreto.

Tuma kontakto

Pa mas informashon por tuma kontakto ku nos na tel of WhatsApp: 423 6000
o manda un e-mail na Info@fkp.cw

Tambe por yena e formulario di Petishon Areglo di Pago