Proyekto pa aktualisá informashon di kasnan di FKP i di Gobièrnu
![](https://cuatro.sim-cdn.nl/fkp/uploads/styles/large_5x1_2560x512/media/05.jpg?h=5824483f&cb=pK47aqKI)
Fundashon Kas Popular pa mas ku 40 aña ta manehando kasnan di pueblo, tantu di Gobièrnu komo di nos mes.
Hopi di e kasnan aki a ser trasladá for di registro di Woningbedrijf pa FKP den un tempu ku e datonan no tabata digital. Pa motibu ku segun reglanan di kontabilidat modèrno mester hasi verifikashon di dato kada tantu tempu, mester tin e registronan di e kasnan “up to date” di forma digital.
Pa e motibu aki Fundashon Kas Popular ta start ku un proyekto di sondeo i registro di e kasnan di FKP i di Gobièrnu.
E proyekto aki lo tin un durashon di mas ò ménos 3 luna i lo kuminsá entrante 15 òktober 2023.
Pa mas informashon por yama telf: 4326000 òf manda un e-mail na info@fkp.cw
Fundashon Kas Popular kier informá su klientenan i pueblo en general ku entrante xx-xxx-2023 funshonarionan di FKP lo ta den nos diferente barionan pa hasi sondeo i di e kasnan di FKP i di Gobièrnu. Esaki den e kuadro pa yega na un registro digitalisá i aktualisá.
E funshonario lo saka potrèt i hasi registrashon di e kas. Esaki lo tuma lugá solamente pafó di e kas!
Nos funshonarionan lo ta rekonosibel na nan unifòrm ku logo di FKP ku nan badge.
Den kaso ku tin duda por scan e QR code riba e badge pa konfirmashon di ken e persona ta i mas informashon di e proyekto.