Kumpra kas di Gobiernu ku bo ta hür

Un kliente ku ta biba den un di e kasnan di Gobièrnu ku FKP ta manehá, por hasi un petishon pa kumpra esaki.
Esaki tanten e kliente ta kumpli ku e kondishonan stipulá pa Gobiernu.

FKP den e kaso aki, ta fungi komo intermediadó na nòmber di Gobièrnu, pa atendé e benta di e kasnan aki.

Kondishonnan i rekisitonan

Esun ku ta hasi un petishon pa kumpra un kas mester tene kuenta ku e siguiente rekisitonan:

E no mag di tin bien inmóbil (otro kas òf tereno) den su propiedat.
Tin e kas ku e ke kumpra, di hür serka FKP durante mínimo 2 aña.
(Den kaso di divorsio òf fayesementu FKP ta evaluá kada kaso apart)
E no mag di tin un retraso den pago di hür.
E mester paga e gastunan kalkulá di midimentu di tereno (meetbrief) adelantá.
E mester tin prueba ku e tin un entrada òf e mester ta haña yudansa finansiero (ònderstant) di gobièrnu
Mester ta residente di Kòrsou (inskribí na Kranchi)
Mester ta mayor di edat (21 aña òf mas)

Prosedura

Un kliente ku ke bin na remarke pa kumpra un “Kas bieu na benta”, mester inskribí pa esaki na FKP.
Na momentu ku inskribí e kliente ta haña un karta pa pidi Kadaster informashon si e persona tin otro propiedat riba su nòmber.

A base di e petishon di e kliente, FKP ta pidi Ministerio di Planifikashon Urbano pèrmit pa por bende e kas konserní na e kliente.

Ora haña e pèrmit, FKP por bende e kas.

Por kumpra e kas di forma kèsh òf via un fiansa di un Banko.

Dokumentonan rekerí na momentu di inskripshon

Formulario di inskripshon, kompletamente yená
Dokumento di identifikashon (sedula)
Komprobante di entrada (salario òf ònderstant)

Gastunan

Preis di e kas ta wòrdu fiha dor di gobièrnu.

Mas ta bini aserka gastunan di Meetbrief kual por ta mas o ménos 850,- (e montante aki tin ku pag’é adelantá)
y gastu pa pasa akta di tereno serka Notario.

Kiko pa tene na kuenta?

E periodo pa prosesá e petishon pa haña e pèrmit serka Gobièrnu pa bende e kas ta mas o ménos 4 luna.
Esaki den kaso ku e parsela ya tin meetbrief.
Si e parsela di e kas no tin meetbrief ainda, e proseso por dura 8 pa 9 luna, debí ku mester pidi Kadaster pa midi e tereno promé ku pidi pèrmit na Gobièrnu.

Despues ku a kumpra e kas no por hür, bende o traspasá esaki promé ku 5 aña.

Barionan ku ta bini na remarke pa benta.

Kada tantu tempu Gobièrnu ta indiká kua barionan por wòrdu bendí.

Pues semper por informá serka FKP si bo bario tambe ta bin na remarke pa wòrdu bendí.

E kasnan di Gobièrnu ku ta bin na remarke awor aki pa wòrdu bendé ta entre otro den e barionan di:

Aña di konstrukshon	Bario
1945	Saliña
1945	Steenrijk
1946	Mundo nobo
1946	Dominguito
1946 1948	Parera 1 Parera 2
1948	Nieuw Nederland
1948 1949	Maripompoen 1 Maripompoen 2
1949	Plantersrust
1949	Cher-Asile
1956	Vredenberg
1958 1971	Brievengat 1 en 2 Brievengat IV en V
1962	Kintjan
1968	Koraalspecht 1en 2
1968	Seru Domi
1979	Jandoret
1979	De Savaan

Videonan Importante pa bo informá bo mes.

Ta importante pa bo informa bo mes promé hasi un apetishon.

Pa bo ta bon informá, nos a produsí un serie di video kaminda ta splika na plaka chiki tur loke bo mester sa pa kumpra e kas ku bo ta hür di Gobiernu.

Benta di kas di pueblo segun lei " Programa 1"	Benta di kas di pueblo segun lei " Programa 2"	Benta di kas di pueblo segun lei " Programa 3"

Benta di kas di pueblo segun lei " Programa 4"	Benta di kas di pueblo segun lei " Programa 5"	Proseso benta di kas di pueblo segun lei " VVRP"