Entrega di 3 Permit di Konstrukshon pa 426 bibienda

Dia 24 di Aprel último a entrega tres pèrmit di konstrukshon na “Fundashon Kas Popular” FKP pa konstrukshon di total 426 bibienda sosial.

E permitnan aki ta pa 3 diferente proyekto ku ya pa basta tempu tabata pediente di e permit pa por start ku konstrukshon.

Ta trata di e Proyektonan di: Tera Cora ta kaminda lo sigui ku fase 4.
Aki lo konstruí 11 edifisio di apartamento kual lo akapará un total di 132 bibienda;

Tambe lo siguí ku konstrukshon den Bario di Sapaté, kaminda lo konstruí 10 edifisio di apartamento pa un total di 138 bibienda.

E di tres permit ta pa e proyekto na Fortuna Ariba; aki lo konstruí 14 edifisio di apartamento kual lo  akapará 156 bibienda.

Tur e bibiendanan aki lo ta pa hür ku supsidio di Gobièrnu.
Esta na lo ta kas sosial.

Nos kier gradisí spesialmente VVRP i su servisionan ku mirando e nesesidat grandi pa bibienda a komprometé nan mes pa duna un man pa krea e infrastruktura pa por konstruí bibienda i asina duna alivio na famianan ku ta den nesesidat di kas.

Fundashon Kas Popular huntu ku tur instansha konserní lo sigui vigilá pa tantu durante i despues di konstrukshon tur kos kana bon pa mantené e barionan bunita i bibabel