Ora un hende ta hür un kas, e tin ku paga e doño di kas tur luna. E doño di kas mester di e sèn aki pa kubri diferente gastu.
E parti mas grandi ta bai na mantenshon. Si bo ke hür un kas 50 aña òf mas, bo mester manten'é
regularmente. No ta trata solamente di drecha instalashon i otro reparashonnan komun, pero tambe mantenshonnan grandi ku bo ta hasi kada 15 pa 20 aña. Ademas tin e diferente seguronan ku mester paga pa e kas.

Kon ta stipulá e hür kubo tin ku paga.

Pa e kasnan ku di Gobiernu FKP ta traha ku e sistema di supsidio.
Esei ke men ku e hende ku no por paga e preis real ku e kas ta bal, por haña yudansa den forma di supsidio serka Gobiernu.
Esaki ta nifiká ku bo ta paga hür segun bo entrada, pues esun ku tin entrada haltu ta paga un suma mas haltu.
Esun ku entrada abou, ta paga un hür ta mas abou.

Pa por bini na remarke pa supsidio ta tene kuenta ku entrada di e hürdó,
esta esun ku tin e kas riba su nòmber, pero tambe di tur sobrá miembro di famia ku ta biba den kas huntu ku e hürdó i ku tin entrada.
Pues yunan ku ta traha, tambe ta yuda paga algu. E loke ku falta pa kompletá e suma real di e hür di kas, ta bira e supsidio ku e hürdó tin derechi riba dje.

Dokumentonan nesesario

Pues ta importante pa bini ku datonan di tur hende ku ta biba den kas i ku tin entrada esta: slep di salario òf slep di ònderstant, òf komprobante
di penshunbuki di famia òf buki di kasamentu.
Pa kada mucha riba 14 aña mester entregá un deklarashon di skol.


Sin tur e dokumentunan aki nos no por atendé un petishon di subsidio.

Tene na kuenta ku periódikamente FKP ta kontrolá tur e entradanan ku tin den kas.
Si bo no duna bo koperashon, bo tin ku paga e hür kompletu.

Money

Depósito

Tur hende ku ta hür un kas pa promé bes, mester paga un suma di depósito. E suma ta stipulá na un luna di hür real (sin supsidio)
Ta e suma ei ta aparesé den bo kontrakt di hür.


E depósito ta un suma ku nos por usa pa drecha e kas bèk, si dado kaso bo bandoná e kas.
Na momentu ku bo entregá e kas bèk den su bon estado original manera ta stipulá den kontrakt (i bo no tin debe di hür), bo ta haña e depósito bèk.
Por drenta areglo pa paga e depósito poko poko.