FKP ta finalisando konstrukshon di e Kompleho di 71 apartamento na Montaña Abou
E apartamentonan aki ta parti di e plan di kas sosial di kual a haña finansiamentu di SOAW pa e konstrukshon i kaminda VVRP a finansiá e infrastuktura.
E tim di RCS bouwbedrijf ta esnan ku ta trahando riba e parti "ruwbouw" di e edifisionan.
E apartamentunan aki tambe ta wòrdu konstrui ku e sistema di “gietbouw” kual ya a wòrdu usá na kasnan di Sapaté.
E kompleho ta konsití di diferente edifisin di 3 i 2 piso, kada edifisio tin apartamentonan di 2 i 3 kamber.
Di e 71 apartamentu di 3 piso, aktualmente 24 ta kla pa wòrdu habitá.
Di e 24 apartamentu un kantidat di 14 apartamentu ta di 2 kamber i e otro10 nan tin 3 kamber.
E konstrukshon di e proyekto aki tin un invershon di alrededor di nuebe (9) miyon florin.
E bibiendanan aki ta destiná pa hür, kaminada e habitantenan lo paga mensualmente dependiendo di nan entrada entre un mínimo di 100 florin i un máksimo di 400 florin, esaki dependiendo e supsidio di Gobièrnu.
Den e kompleho lo bai tin un “beheerder” kual su tarea ta pa vigilá si e reglanan ta wòrdu kumplí i pa fungi komo e punto di kontakto entre habitantenan i FKP.
